Month: May 2025

“អត់មាន មិនដែលមានទេ ហើយក៏គ្មានគម្រោងក្នុងការលក់លក់ព្រលានយន្តហោះនេះដែរ សុំបញ្ជាក់ខ្លីប៉ុណ្ណឹង” ប្រសាសន៍សម្ដេច ហ៊ុន ម៉ាណែន ក្នុពិធីខួប៨០ឆ្នាំ នៃកងកម្លាំងនគរបាលជាតិ។ សម្តេចបន្ថែមថា “ប៉ុន្មានថ្ងៃនេះឃើញមានការជជែកផុសផុល អំពីការលក់ព្រលានយន្តហោះពោធិ៍ចិនតុង ឬព្រលានយន្តហោះអន្តរជាតិភ្នំពេញ ដែលថារដ្ឋាភិបាលបានលក់ព្រលានយន្តហោះនេះឲ្យឯកជនកាល 15 ឆ្នាំមុន តែសម្តេចចោទជាសំនួរថា ដំណឹងនេះបានមកពីណា ព្រោះកាល 15 ឆ្នាំមុន យើងគ្មានគម្រោងធ្វើព្រលានយន្តហោះថ្មីផង បើមានសុំឯកសារបញ្ជាក់មក ព្រោះមានតែមនុស្សពីរនាក់ទេដែលមានសិទ្ធិក្នុងការដោះដូរ ឬសម្រេចដាក់កន្លែងណា គឺសម្ដេចតេជោ ដែលជាអតីតនាយករដ្ឋមន្ត្រីក្នុងអាណត្តិមុន និងរូបខ្ញុំជានាយករដ្ឋមន្ត្រីក្នុងអាណត្តិនេះ”។  

ប្រសាសន៍ណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុង “ទិវាសេរីភាពសារព័ត៌មាន និងពិសាភោជនាហារសាមគ្គី ជាមួយអ្នកសារព័ត៌មានកម្ពុជាលើកទី ៧” ខាងក្រោមជាប្រសាសន៍ណែនាំរបស់សម្តេចដែលចេញផ្សាយដោយក្រុមអ្នកនាំពាក្យរបស់នាយករដ្ឋមន្ត្រី។ រាជធានីភ្នំពេញ ថ្ងៃទី៣ ខែឧសភា ឆ្នាំ២០២៥

ប្រទេសវៀតណាម៖ រដ្ឋាភិបាលវៀតណាមបានសម្រេចកាត់បន្ថយក្រសួងដោយច្របាច់ក្រសួង១៨ មកជាក្រសួង១៤ ទន្ទឹមនឹងនោះ និងខេត្ត-ក្រុង៦៣ មកត្រឹម៣៤វិញ ដោយរំលាយរដ្ឋបាលថ្នាក់ស្រុក និងខណ្ឌចោល។ តាមលិខិតជម្រាបជូនសម្ដេចនាយករដ្ឋមន្ត្រី របស់ក្រសួងការបរទេស ខេត្តវៀតណាមដែលជាប់ព្រំដែនកម្ពុជា ត្រូវចាំបាច់បញ្ចូលគ្នា ដែលខេត្តខ្លះ២ និងខេត្តខ្លះ៣ មកជាខេត្តតែ១។ ចំណែករចនាសម្ព័ន្ធរដ្ឋាភិបាលវៀតណាម ដែលកន្លងមកមាន១៨ក្រសួង ត្រូវបង្រួមត្រឹម១៤ក្រសួងវិញ។  

ប្រសាសន៍ណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុង “ទិវាសេរីភាពសារព័ត៌មាន និងពិសាភោជនាហារសាមគ្គី ជាមួយអ្នកសារព័ត៌មានកម្ពុជាលើកទី ៧”។ ចេញផ្សាយដោយក្រុមអ្នកនាំពាក្យរបស់នាយករដ្ឋមន្ត្រី រាជធានីភ្នំពេញ ថ្ងៃទី៣ ខែឧសភា ឆ្នាំ២០២៥