Month: March 2025

«ផ្លូវជាតិគ្មានសំរាម សំណល់ប្លាស្ទិក» ដែលត្រូវបានក្រសួងបរិស្ថានប្រកាសដាក់ចេញ ហើយធ្វើការផ្សព្វផ្សាយ ដល់ថ្នាក់ដឹកនាំក្រសួង ស្ថាប័ន និងដៃគូពាក់ព័ន្ធជាតិ និងអន្តរជាតិ នាថ្ងៃទី២៧ ខែមីនានេះ។ រដ្ឋមន្រ្តីក្រសួងបរិស្ថាន លោកអ៊ាង សុផល្លែត បានថ្លែងថា យុទ្ធនាការយុទ្ធនាការសម្អាតផ្លូវជាតិ «ផ្លូវជាតិគ្មានសំរាម សំណល់ប្លាស្ទិក» ដែលត្រូវបានប្រកាសបើកដំណើរការកាលពីខែមករាកន្លងមក គឺធ្វើឡើង ដើម្បីបំពេញ ឱ្យយុទ្ធនាការ«កម្ពុជាស្អាត ខ្មែរធ្វើបាន»។ យុទ្ធនាការទាំង២នេះកំពុងតែជំរុញឱ្យទៅជាសក​ម្មភាព រួមគ្នា ក្នុងពេលតែមួយ ដើម្បីសម្អាតបរិស្ថាន បរិ​វេណជុំវិញភូមិដ្ឋាន សាលារៀន វត្តអារាម និងនៅតាមទីសាធារណៈ។…

លោកស្រី ឃួន សុដារី ប្រធានរដ្ឋសភា កាលពីថ្ងៃអង្គារ បានសង្កត់ធ្ងន់ថា វិទ្យាសាស្ត្រ បច្ចេកវិទ្យា និងនវានុវត្តន៍ គឺជាកត្តាចាំបាច់ ក្នុងការលើកកម្ពស់សមត្ថភាពប្រកួតប្រជែងរបស់កម្ពុជា និងជួយដល់ការសម្រេចបាននូវចក្ខុវិស័យក្នុងការប្រែក្លាយប្រទេសទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។ ថ្លែងក្នុងវេទិកាផ្សព្វផ្សាយស្តីពី «វឌ្ឍនភាពក្នុងវិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តាមរយៈការអនុវត្តយុទ្ធសាស្ត្របញ្ចកោណដំណាក់កាលទី១» នៅវិមានរដ្ឋសភា លោកស្រីប្រធានរដ្ឋសភា បានមានប្រសាសន៍ថា៖ «វេទិកាដ៏សំខាន់នេះនឹងផ្តល់ឱកាសដ៏មានតម្លៃសម្រាប់អ្នកតាក់តែងច្បាប់ អ្នកអនុម័តច្បាប់ អ្នកបង្កើតគោលនយោបាយ អ្នកអនុវត្តផ្ទាល់ និងអ្នកជំនាញ ក្នុងវិស័យ វិទ្យាសាស្ត្រ បច្ចេកវិទ្យា…

រាជរដ្ឋាភិបាលកម្ពុជា និងរដ្ឋាភិបាលនៃសាធារណរដ្ឋកូរ៉េ កាលពីថ្ងៃអង្គារ បានពិភាក្សាអំពីយុទ្ធសាស្ត្រសំខាន់ៗចំនួនបួន ដែលផ្តោតលើការពង្រឹងកិច្ចសហប្រតិបត្តិការទ្វេភាគី និងការដោះស្រាយបញ្ហាប្រឈមរួមក្នុងវិស័យនានាដូចជា ធនធានទឹក ភាពធន់នឹងអាកាសធាតុ និងការអភិវឌ្ឍន៍ហេដ្ឋារចនាសម្ព័ន្ធ។ លោក ថោ ជេថ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំគណៈប្រតិភូជួបជាមួយគណៈប្រតិភូកូរ៉េ ដឹកនាំដោយលោក Wan-sup Kim រដ្ឋមន្ត្រីក្រសួងបរិស្ថានកូរ៉េ និងបានពិភាក្សាអំពីកិច្ចសហប្រតិបត្តិការទ្វេភាគីនៅទីក្រុងសេអ៊ូលកាលពីថ្ងៃទី២៥ ខែមីនា។ ភាគីទាំងពីរបានចូលរួមក្នុងកិច្ចពិភាក្សាស៊ីជម្រៅលើវិស័យសំខាន់ៗចំនួនបួននៃកិច្ចសហប្រតិបត្តិការ ដោយផ្តោតលើការពង្រឹងទំនាក់ទំនងទ្វេភាគី និងការដោះស្រាយបញ្ហាប្រឈមរួមគ្នា។ កម្ពុជា និងកូរ៉េបានស្វែងរកមធ្យោបាយដើម្បីពង្រឹងកិច្ចសហប្រតិបត្តិការវិស័យទឹក ដោយអនុវត្តកម្មវិធីកាត់បន្ថយទឹកជំនន់ និងគ្រោះរាំងស្ងួត ការប្រើប្រាស់បច្ចេកវិទ្យាទឹកឌីជីថលសម្រាប់ការព្យាករណ៍ និងការត្រួតពិនិត្យ…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅព្រឹកថ្ងៃទី៦ ខែមីនា ឆ្នាំ២០២៥នេះ បានអញ្ជើញជាអធិបតីបើកកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៥ ក្រោមប្រធានបទ «ការពន្លឿនការ តភ្ជាប់ អាស៊ាន៖ មនុស្ស ហេដ្ឋារចនាសម្ព័ន្ធ និងពាណិជ្ជកម្ម»។ ខាងក្រោមជាខ្លឹមសារសំខាន់ៗរបស់ សម្ដេចមហាបវរធិបតី ហ៊ុន ម៉ាណែត ឱកាសអញ្ជើញជាអធិបតីបើកកិច្ចប្រជុំកំពូលធុរកិច្ចអាស៊ាន-កម្ពុជា ឆ្នាំ២០២៥៖ * សម្តេចបវរធិបតី ហ៊ុន ម៉ាណែត បានថ្លែងថា មានសេចក្តីសោមនស្សក្រៃលែង ដោយបានចូលរួមជាអធិបតី ក្នុងកិច្ចប្រជុំកំពូលធុរកិច្ចអាស៊ាន-កម្ពុជា…