យោងតាមសារព័ត៌មាន VOA ចេញផ្សាយនៅថ្ងៃទី៥ ខែធ្នូ ឆ្នាំ២០២៣ បានឱ្យដឹងថា ការវាយប្រហារដ៏សាហាវនេះ បានកើតឡើងនៅក្នុងភូមិ Tudun Biri ភាគខាងជើងរដ្ឋ Kaduna កាលពីថ្ងៃអាទិត្យ ក្នុងអំឡុងពេលប្រារព្ធពិធីបុណ្យមួយរបស់មូស្លីម។
អ្នកភូមិរាប់សិបនាក់ក៏បានរងរបួស ក្នុងការវាយប្រហារនោះដែរ។
ការិយាល័យរបស់ប្រធានាធិបតី Tinubu បានចេញសេចក្តីថ្លែងការណ៍មួយ ដោយបង្ហាញពីទុក្ខសោកចំពោះឧបទ្ទវហេតុនេះ ដែលលោកបានហៅថា ជា “អកុសល គួរឱ្យព្រួយបារម្ភ និងឈឺចាប់” ។
យ៉ាងណាក៏ដោយ កងកម្លាំងទ័ពអាកាសនីហ្សេរីយ៉ា បានបដិសេធការជាប់ពាក់ព័ន្ធ ក្នុងការវាយប្រហារកាលពីថ្ងៃអាទិត្យ។
យោធារបស់ប្រទេសនីហ្សេរីយ៉ា បានប្រើប្រាស់យន្តហោះគ្មានមនុស្សបើក នៅក្នុងការប្រយុទ្ធរបស់ពួកគេប្រឆាំង នឹងក្រុមជ្រុលនិយមអ៊ីស្លាម ដែលបានធ្វើយុទ្ធនាការបះបោរនៅភាគឦសាន និងភាគពាយព្យរបស់ប្រទេស អស់រយៈពេលជាច្រើនទសវត្សរ៍មកហើយ ៕