ក្នុងមួយថ្ងៃខេត្តចំនួន៣ រកឃើញស្ថានីយ/ដេប៉ូប្រេងឥន្ធនៈចំនួន ០៦ មិនអនុលោមតាមច្បាប់!
អគ្គនាយដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF បានរកឃើញ ស្ថានីយ/ដេប៉ូប្រេងឥន្ធនៈចំនួន ០៦ មិនមានភាពអនុលោមក្នុងខេត្តកំពង់ស្ពឺ ខេត្តកំពង់ចាម និងខេត្តកណ្ដាល ។
ប្រភពដដែលបានបញ្ជាក់ថា កាលពីថ្ងៃទី១៨-១៩ ខែតុលា កន្លងទៅ មន្ត្រីស៊ើបអង្កេតនៃអគ្គនាយដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ
(ក.ប.ប.) បានចុះត្រួតពិនិត្យតាមបណ្ដាស្ថានីយ/ដេប៉ូប្រេងឥន្ធនៈក្នុងស្រុកបសេដ្ឋ ខេត្តកំពង់ស្ពឺ ស្រុកកំពង់សៀម ខេត្តកំពង់ចាម និងស្រុកល្វាឯម ខេត្តកណ្ដាលបានចំនួន ២០ ស្ថានីយ/ដេប៉ូ ។
ជាលទ្ធផលបានរកឃើញភាពមិនអនុលោមចំនួន ០៦ ដេប៉ូ ដែលប្រព្រឹត្តផ្ទុយនឹងច្បាប់ការពារអ្នកប្រើប្រាស់ ធ្វើឱ្យខាតបង់ផលប្រយោជន៍ប្រជាពលរដ្ឋក្នុងខេត្តទាំងបីខាងលើ និងបានធ្វើការពិន័យអន្តរការណ៍ទៅតាមច្បាប់ដែលមានចែងផងដែរ ៕
