ខេត្តកំពង់ធំ: កម្លាំងរដ្ឋបាលជលផលពាមបាងក្រោមបទបញ្ជាពីលោកប៉ែន វណ្ណរិទ្ធ ប្រធានមន្ទីរ កសិកម្មរុក្ខាប្រមាញ់និងនេសាទខេត្តកំពង់ធំ ដឹកនាំកំលាំងដោយលោក ហុក ម៉ុន.នាយរងសង្កាត់រដ្ឋបាលជលផលពាមបាងសហការជាមួយកម្លាំងប៉ុស្តិ៍នគរបាលស្រុកតាំងគោក ប៉ុស្តិ៍រដ្ឋបាលឃុំស្រឡៅ សហគមន៍នេសាទដូនស្តើង និងសហព័ន្ធសហគមន៍នេសាទ បានចុះបង្ក្រាប
បទបទល្មើសនេសាទនៅក្នុងរដូវបិទឡូតិ៍នេសាទ។
-ការចុះបង្ក្រាបបទល្មើសនេសាទ របស់កម្លាំងជលផលចាប់ផ្ដើមនៅព្រឹកថ្ងៃទី២១ ខែ កញ្ញា ឆ្នាំ២០២១នៅត្រង់ចំណុចត្រពាំងក្រចាប់ ត្រពាំងអាស្មាគ្រ.ព្រែកបុស្ស.ឃុំពាមបាង ស្រុកស្ទោង និងគោកត្របែក រោងសេះ ឃុំស្រឡៅ ស្រុកតាំងគោក ស្ទឹងកំបុត ទំនប់ដាច់ ត្រើយបង្កង ឃុំបារាយណ៍ ស្រុកបារាយណ៍ ។
លទ្ធផលនៃការបង្រ្កាប បានចុះរុះរើ កាប់បំផ្លាញចោលវត្ថុតាង
រួមមាន៖
១-របាំងសាច់អួន និងស្បៃមុង ២០ របាំង ប្រវែង២០៤០ម៉ែត្រ
២-ឡុក ចំនួន០៩គ្រឿង
៣-លបលូ ចំនួន៣០គ្រឿង
៤-បង្គោល ចំនួន១៤៧០ដើមនិងចាក់លែងកូនត្រីចម្រុះចូលបឹងធម្មជាតិវិញ ចំនួន៧២គីឡូក្រាម។
-លោកប៉ែន វណ្ណរិទ្ធ ប្រធានមន្ទីរ កសិកម្មរុក្ខាប្រមាញ់និងនេសាទខេត្តកំពង់ធំ បានសូមអំពាវនាវ ដល់បងប្អូនប្រជានេសាទដែលប្រកបមុខរបរ នេសាទទាំងអស់នៅតាមដងទន្លេសាបក្នុងខេត្តកំពង់ធំពិសេសនៅ ចំណុចខាងលើ សូមមេត្តាកុំឲ្យប្រកបមុខរបរ ដែលជាឧបករណ៍ ខុសច្បាប់ ព្រោះវាធ្វើឱ្យឆាប់រលាយហិនហោចដល់មច្ឆាជាតិក្នុងបឹងទន្លេសាបរបស់យើងនេះ និងមួយវិញទៀតបងប្អូនប្រឈមចំពោះមុខច្បាប់ទៀតផង ។ ដូច្នេះសូមបងប្អូនជួយថែរក្សាធនធានធម្មជាតិដែលជាសម្បត្តិរួមរបស់យើងទាំងអស់គ្នាទុកយូរអង្វែងឲ្យដល់កូនចៅយើងចំនួនក្រោយផងដែរ៕
